Алматы облысында өгей әкесі 13 жастағы қызын зорлап өлтірді деген күдікке ілінді

Алматы облысының 47 жастағы тұрғыны 13 жасар өгей қызын зорлап өлтірді деген күдікпен қамауға алынды, деп хабарлайды облыстық ПД баспасөз қызметі.

23 шілдеде Талғардағы жеке үйлерінің бірінен зорлықпен өлген 13 жастағы қыздың денесі табылған. Факт «Адам өлтіру» бабы бойынша тіркелді.

«Оқиға орнына келген жедел-тергеу тобы қажетті іс-шаралар өткізіп, аса ауыр қылмыс жасады деп күдіктелген қыздың 47 жастағы өгей әкесін анықтады. Белгілі болғандай, ер адам қыздың анасымен азаматтық некеде болған. Оқиға орнынан бой тасалаған күдіктіні Алматы облысы ПД криминалдық полиция қызметкерлері Алматы аумағында ұстады», — деп хабарлады облыстық полиция департаментінің баспасөз қызметі.

Ұсталған азамат уақытша ұстау изоляторына орналастырылды. Сотқа дейінгі тергеу амалдары жүргізілуде. Өзге де ақпарат жария етілмейді.

Полиция атап өткендей, балаларға қатысты зорлық-зомбылықтың алдын алуға бағытталған заңнаманы жетілдіру мен қатайтуға қарамастан, мұндай қол сұғушылықтар орын алуда. Айта кету керек, мұндай қылмыстар жасырын болып табылады және олардың алдын-алу қиын, өйткені олардың әрқайсысы полицияға қол жетімділігі шектеулі тұрғын үйлерде жасалады.

Бұл ретте кәмелетке толмағандардың жыныстық тиіспеушілігіне қарсы қылмыстардың 70 пайызынан астамын балалар сенім білдірген немесе оларға тәуелді болған жақын ортадағы адамдар жасайды. Бұл әкелер, бірге тұратын аналар, өгей әкелер, туыстар, көршілер, таныстар.

«Бұл жерде баланың қоршаған ортасын бақылауды күшейту қажет, өйткені кейде біз балаларымызға қауіп төндіретін қауіптің айқын белгілерін байқамаймыз, олардың көмек туралы дауыстарын ести алмаймыз. Бұл бағытта мектеп, ата-аналар, ювеналды қызметтер жұмысын ретке келтіру керек», — деді облыстық полиция департаменті бастығының орынбасары Данияр Меңдебаев.