Шымкент прокуратурасы білім бағдарламаларының орындалуына тексеру жүргізді

Шымкент қаласының прокуратурасы білім бағдарламаларының орындалуына және 6 орта-арнаулы білім мекемелеріндегі мемлекеттік тапсырысқа бөлінген бюджет қаржысының тиімді жұмсалуына тексеру жүргізді. Бұл туралы zakon.kz Шымкент қаласының прокуратурасы берген ақпаратқа сі лтеме жасап хабарлайды.

Тексеру барысында студенттердің мүліктік құқықтарын бұзу, білім туралы заңнама, санитарлық нормалар және т.б. бірқатар заңбұзушылықтар анықталды.

Одан бөлек, мұғалімдердің жалған дипломдармен жұмыс жасау фактілері анықталды.

Осындай 7 дерек бойынша сотқа дейінгі тергеп тексеру басталған.

Мысалы, «Индустриалды-техникалық» Колледжінде өндірістік оқыту шебері 2013 жылы М.Әуезов атындағы ОҚМУ-тін аяқтағаны туралы жалған дипломмен жұмыс істеп келген.

Прокурорлардың аралаусы нәтижесінде «Мирас» және «Музыкалық Колледж» КММ-нің 586 студентеріне жол ақысына төленбей жүрген 2,5 млн. теңге қайтарылды.

«№4 Колледж» КММ 39 млн. теңгеге мемлекеттік сатып алу заңнамасының бұзылу дректері анықталған.

Колледж директоры 240 500 теңге мөлшерінде ҚР ӘҚБтК-нің 207-бабының 3-бөлігімен әкімшілік жауапкершілікке тартылған.

Тексеру нәтижесінде, 11 прокурорлық қадағалау актісі енгізіліп, 1,5 мың оқушыға (996 кәмелет жасына толмағандар, 3 жетім балдар) 7,3 млн. теңге қаржы өтеліп, 35 тұлға тәртіптік және 6 тұлға 360 мың.теңге мөлшерде әкімшілік жауапкершілікке тартылды.

Telegram арнасындағы маңызды жаңалықтар «zakon.kz». Жазылу!