Зеленский «тәуелсіздік» сөзін бас әріппен жазуды ұсынды

Тәуелсіздік туралы бүкіл украиндық референдумның 29 жылдығы аясында Украина Президенті Владимир Зеленский «тәуелсіздік» сөзін «ғасырлар бойы іздегендердің барлығына шексіз құрметпен қараудың» белгісі ретінде бас әріппен жазу керек деді.

Украина Президенті Владимир Зеленский «тәуелсіздік» сөзін бас әріппен жазуды ұсынды. Ол бұл туралы өзінің Telegram-арнасында 1 желтоқсанда жазды. Украина Президенті бұл идеяны Украинада 1991 жылы 1 желтоқсанда бүкіл украиндық тәуелсіздік туралы референдумның 29 жылдығын атап өтетін күні айтты.

«Бұл емле ережелерінде көзделмегенімен, «тәуелсіздік» сөзін бас әріппен жазу керек деп ойлаймын. Оны ғасырлар бойы іздегендердің барлығына деген шексіз құрмет белгісі және оның біз үшін қаншалықты маңызды екенін білдіретін белгі ретінде қараймыз», — деді Зеленский. Референдум күні, Зеленскийдің айтуынша, 28 миллионнан астам адам украин халқының бір дауысы болды.

«Бүкіл әлемге: «Біз өз мемлекетімізде — еркін Украинада өмір сүргіміз келеді және өмір сүреміз. Кейінірек біз тәуелсіздік алу күрестің ақырғы аяқталуын білдірмейтінін түсінеміз. Өз өмірі үшін оны қолында қаруымен қорғау керек екенін. Біз мұны жетінші жыл қатарынан жасадық. Біз бейбітшіліктің келуі және өз аумағымыздың қайтарылуы үшін бәрін жасаймыз», — деп атап өтті Украина мемлекетінің басшысы.

Қазіргі уақытта бастысы, Зеленскийдің айтуынша, Украинада қуатты және бәсекеге қабілетті ел болу үшін бәрі бар. «Украинада дәл осындай болуға барлық мүмкіндік бар. Бірақ бұл бір қарапайым шарт бойынша мүмкін — егер біз бәріміз осыған күш салсақ», — деп қосты Зеленский.

Украинаның тәуелсіздігін жариялау туралы акт 1991 жылы 24 тамызда Украина КСР Жоғары Кеңесінің кезектен тыс сессиясында қабылданды. Сол жылы 1 желтоқсанда өткен бүкіл украиндық референдумда тәуелсіздік жариялау туралы шешімді украиндықтардың 90,32 %-ы қолдады. Сайлауға қатысқандар украиндықтардың саны 84,18 % құрады.

Керімсал Жұбатқанов