БҚО-да 19 жастағы студент шақалағын пакетке орап, дәретханаға тастап өлтірді

БҚО да жас қыз босанған соң, сәбиін әжетханаға тастап кеткен, деп хабарлайды KzNews ақпарат агенттігі «Мой ГОРОД» сайтына сілтеме жасап.

Оқиға 23 қараша күні Казталов ауданы Жаңажол ауданында болды. Ауыл тұрғындарының сөзінше, әйел шақалағын пакетке орап, дәретханаға тастаған.
БҚО денсаулық сақтау басқармасы 19 жастағы арудың тірі баланы дүниеге әкелгенін айтты.

«Медициналық сараптама нәтижесіне сәйкес, шақалақтың гипотермиядан шетінегені белгілі болды. Оның анасымен аурухана қабырғасында психолог мамандар жұмыс істеп жатыр», — деді басқарма өкілдері.

Ауыл тұрғындарының айтуынша, қыз колледж студенті. Іс бойынша сот-медициналық сараптама тағайындалды.

БҚО полиция департаментінің баспасөз қызметі өкілдері бұл деректі растады және іс бойынша ҚР ҚК-нің 100-бабы «Жаңа туған баланы анасының өлтiруi» бойынша қылмыстық іс қозғалғанын хабарлады.