Мемлекеттік бюджет 300 миллиард теңгені жоғалтты

Трансферттерді қоспағанда, мемлекеттік бюджеттің кірістері бір жыл ішінде 8%-ға төмендеді

Ағымдағы жылдың қаңтар-қыркүйек айларында мемлекеттік бюджетке 10,2 трлн теңге көлемінде кірістер түсті, бұл 2019 жылдың сәйкес кезеңімен салыстырғанда 10,9% артық. Соңғы бес жылда мемлекеттік бюджеттің кірістері жылына орта есеппен 14,5% өсіп отырды. Кірістер жоспары 97,2% -ға ғана орындалды, бюджетке 300 миллиард теңге түспеген.

Трансферттерді есептемегенде, мемлекеттік бюджеттің кірістері 6,1 трлн теңгені құрап, өткен жылдың тиісті кезеңімен салыстырғанда 8% -ға төмендеді.

Сонымен бірге бюджетке салық түсімдері жылына 10,3% -ға төмендеп, 5,8 трлн теңгені құрады (бір жыл бұрын — 6,4 трлн теңге).

Салықтық емес түсімдер 299,9 млрд теңгеге жетті, бір жыл ішінде 87,1% өсті. Негізгі капиталды сатудан түскен кіріс 13% -ға төмендеп, 65,4 млрд теңгені құрады.