ДДҰ басшысы: келесі бірнеше ай өте қиын болады
Әлем пандемияның өте қиын айларына тап болады. Мұндай мәлімдемені жұма күнгі брифингте Дүниежүзілік денсаулық сақтау ұйымының бас директоры Тедрос Адханом Гебресиес жасады.
«Біз COVID-19 пандемиясының маңызды кезеңінде тұрмыз, әсіресе солтүстік жарты шарда. Алдағы бірнеше ай өте қиын болады және бірқатар елдер қауіпті бағыттарға бет алуда. Ауруханалар мен қарқынды терапия бөлімшелері өз мүмкіндіктерінің шегінде тұр және бұл тек қазан айы», — деді ДДҰ басшысы.
Гебрейесустың пікірінше, елдердің басшылығы жаңа апаттың алдын алу үшін шаралар қабылдауы керек.
