Қарағандыда дәрігерлер ес-түссіз жатқан адамды аурухананың жанына лақтырып кетті — облыстық ДСБ түсініктеме берді
Қарағанды тұрғыны Ерубаев көшесіндегі облыстық аурухана жанында болған оқиғаға куә болды — екі адам әлсіреген адамды емханадан сүйреп шығарып, жерге тастап, кетіп қалды.
Жүргізуші дәрігерлерден ес-түссіз адамды көшеде қалдырмай, оған көмектесуді талап етті.
Қарағанды облысының денсаулық сақтау басқармасы бұл оқиғаға қатысты түсінік берді.
«Облыстық клиникалық аурухананың емделушілерді қолдау және ішкі бақылау қызметі тексеру жүргізді. Бұл азамат мас күйінде екені анықталды, құжаттары жоқ және белгілі бір тұрғылықты жері жоқ. Ауруханаға жатқызу белгілері болған жоқ, сондықтан оны медициналық мекеменің сыртына алып кетті» деп хабарлады облыстық денсаулық сақтау басқармасының баспасөз қызметі.
