6 маусымдағы рұқсат етілмеген митинг: 53 адам ұсталды — Қазақстан жаңалықтары

6-маусымда рұқсат етілмеген митингіден кейін елуден астам адам полиция бөлімшесіне жеткізілді, деп хабарлайды Stan.kz ақпарат агенттігі.

(Сурет: Абзал Калиев Sputnik.kz)

«Полицияға 53 адам жеткізілді. Олардың сегізі әкімшілік жауапкершілікке тартылды, оның жетеуіне айыппұл салынды, біреуіне ескерту жасалды. Екі құқық бұзушыға қатысты мемлекеттік қызметшіні қорлағаны және күш қолданғаны үшін сотқа дейінгі тергеу амалдары жүргізілуде. Қалғандары профилактикалық сұхбаттан кейін босатылды», — деп хабарлады ҚР ІІМ.

Сонымен қатар, белсенді Әсия Тулесованың ұсталғаны белгілі болды. Оған қатысты Қылмыстық кодекстің 378 және 380-баптары (үкімет өкілін қорлау және оған күш қолдану) бойынша үш жылға дейін бас бостандығынан айыруды көздейтін сотқа дейінгі тергеу басталды. Тулесова ұсталып, Алматы полиция департаментінің тергеу изоляторына қамалған.

«Заңсыз митингіге қатысқан Тулесова кезекшілікте тұрған полиция қызметкеріне қатысты күш қолданды», — делінген хабарламада.

Алматыда ұйымдастырылған митинг әкімдікте заңсыз деп аталды. ІІМ мәліметінше, карантин режимін қатаң сақтау қажеттілігі туралы ескертулерге қарамастан, Қазақстанның кейбір қалаларында 2020 жылдың 6 маусымында жеке тұлғалар заңсыз митингілер өткізуге әрекет жасаған.

«Прокуратура мен жергілікті атқарушы органдардың өкілдері жиналған олардың іс-әрекеттерінің заңсыздығын түсіндірді. Алайда кейбір азаматтар заң талаптарын орындамады», — дейді полиция.

Ішкі істер органдары қоғамдық тәртіпті және азаматтардың қауіпсіздігін қамтамасыз ету үшін шаралар қабылдады. Карантиндік шектеулерді және заң талаптарын белсенді бұзушылар заңсыз әрекеттерді тоқтатудан бас тартқаннан кейін полицияға профилактикалық жұмыстарды жүргізу, сондай-ақ құқықтық бағалау үшін жеткізілді.

Бұған дейін, Қазақстан Республикасының Бас прокуратурасы азаматтарды арандатушылық әрекеттерге бой алдырмауға және «Бейбіт жиналыстар туралы» заңның талаптарын, сондай-ақ карантиндік шараларды қатаң сақтау қажеттілігі туралы заңсыз наразылықтарға қатыспауға шақырды.