Далада жүрген баланы ұрламақ болған: Павлодарлық полицейлер оқиға түсірілген видео жайлы шындықты айтты — Қазақстан жаңалықтары

2020 жылы 29 мамырда қоғам белсендісі, «Не молчи» қорының жетекшісі Дина Таңсәрі Павлодарда анасының көзінше баланы ұрламақ болды деп, күдікті түскен видео жариялапты. Бұл туралы Павлодар облысының ПД пікір білдірді, деп хабарлайды Stan.kz ақпарат агенттігі. 

Қоғам белсендісінің сөзінше, оқиға 18 мамыр күні сағат 19:00 шамасында орын алған. 

«Белгісіз ер азамат баланы тығылып отырған жерінен тауып алып, куәгер мен жеткіншектің анасының көзінше оны ұрламақ болған. Оқиға бейнебақылау камерасына түсіп қалған. Абырой болғанда, күдіктінің ойы іске аспады», — деп жазыпты Дина Таңсәрі. 

Айтуынша, полицейлер ер азаматты қолға түсірген. 

Өз кезегінде облыстық ПД бұл ақпаратты жоққа шығарды. 

«Баланы ешкім ұрлайын демеген. 33 жастағы ер азамат көлікпен келе жатқанында оның үйінің айласында ойнап жүрген қызы марғауды керегеге лақтырып жатқан баланы көріп жылапты. Қыз баланың әкесі көлікті тоқтатып, балаға бұлай істемеуін айтқан. Содан кейін ол көлігіне отырып кетіп қалған. Мұны дәлелдейтін бейнежазбалар да бар», — деді ПД өкілдері. 

Бұл жағдайды көрген баланың анасы полицейлерге хабар беріпті. Тиісті сараптама тағайындалып, баланың денесінде жарақат анықталмапты. Десек те әкімшілік кодекс бойынша іс қозғалыпты. Іс онлайн түрде қаралған. Отырысқа бала мен оның анасы да шақыртылған. 

Сот ер азаматты бес күнге қамау туралы шешім шығарған.