Түркістан облысында бір жасар бала коронавирус жұқтырды — Қазақстан жаңалықтары

Түркістан облысында коронавирус инфекциясын жұқтырғандар жайлы мәліметтер белгілі болды, деп хабарлайды Stan.kz ақпарат агенттігі мемлекеттік комиссияның жедел штабына сілтеме жасап. 17 мамырдағы жағдай бойынша облыста тағы 19 оқиға тіркелді.

Скрининг кезінде Түлкібас ауданының тұрғындарында инфекция анықталды. Бұл 1985 жылы туған екі тұрғын, 1961 жылы туған екі тұрғын, сондай-ақ 1963, 1974 және 1970 жылы туған тұрғындар. Сонымен қатар, 1995 жылы туған Арыс қаласының тұрғыны және 2002 жылы туған Кентау қаласының тұрғыны коронавирус жұқтырған.

Байланыс адамдарын тексеру кезінде Арыс қаласының 1948 жылы туған екі тұрғынынан, Сайрам ауданының 1967, 1992 және 1995 жылы туған тұрғындарынан, сондай-ақ 2014, 2017, 2018 және 2019 жылы туған балалардың арасында инфекция анықталды. Тағы бір коронавирус инфекциясы 1962 жылы туған Бәйдібек ауданының тұрғынынан табылды.

«Қазіргі уақытта науқастардың жағдайы қанағаттанарлық, олар оқшауланған және бекітілген протокол бойынша емделуде. Байланыс жасаған адамдар анықталып, оқшауланған. Аурудың ошақтарында дезинфекциялық жұмыстар жүргізілуде», — делінген хабарламада.

Қазіргі уақытта облыста коронавирус инфекциясы 222 адамнан анықталды. Жалпы республикада 6440 жағдай тіркелді, емделгендер саны 3256 адамға дейін өсті. Көз жұмғандар саны- 34.