Аягөздегі арнайы интернатта бірден 4 бала көз жұмды — Қазақстан жаңалықтары

Шығыс Қазақстан облысы Аягөз қаласындағы психоневрологиялық ауытқулары бар балаларға арналған интернатта бірден төрт тәрбиеленуші көз жұмды, деп хабарлайды Stan.kz ақпарат агенттігі «Евразия бірінші» арнасына сілтеме жасап.

Жақында 10-нан астам бала «қызылша» диагнозымен инфекциялық ауруханаға жатқызылды. Кейбіреулердің ішек инфекциясы анықталды, ал төртеуі көз жұмды. 

«»Бұрын интернетте орталық тәрбиеленушілері қызылшадан ғана емес, ағзаның әлсіреуінен көз жұмғаны туралы ақпарат пайда болды. Алайда, облыстың бас педиатры мұны жоққа шығарады», — делінген телеарнаның сюжетінде.

«Созылмалы коморбидті фон, полиоргандық жеткіліксіздіктің дамуымен кахексия аясында даму ақаулары бар туа біткен патология науқастардың өлімінің себептері болды. Облыстық ведомствоаралық комиссияның жұмысы шеңберінде мен балалар орталығындағы барлық тәрбиеленушілерді қарап шықтым. Балалар медициналық және әлеуметтік қызметтердің толық көлемін алады, олар мекеме қызметкерлерінің тәулік бойы бақылауына алынған», — деді облыстың бас педиатры Шолпан Мақашева.

Өз кезегінде облыстық жұмыспен қамтуды үйлестіру және әлеуметтік бағдарламалар басқармасының басшысы Жасұлан Сәрсебаев коронавирусты инфекцияның таралу қаупі кезеңінде балалардың қауіпсіздігін қамтамасыз ету мақсатында мекемеде карантин режимі бар екенін айтты. Барлық тәрбиеленушілер мен мекеме қызметкерлері КВИ тестінен өтті, нәтижелері теріс болған.

Инфекция туралы біліп, кейбір ата-аналар өз балаларын басқа мекемелерге көшіруг шешім қабылдады. Орталық тәрбиеленушілерінің бірінің анасы әлеуметтік желілерде аймақ әкімі Даниал Ахметовке жүгінді.

«Құрметті Даниал Кенжетайұлы! Мен осы оқу орнының тәрбиеленушісінің анасымын және сізден осы жағдайға қатысты түсініктеме беруіңізді сұраймын …. Сұрақтар көп, үнсіз қалуға күш жоқ, осының бәрі неге Аягөзде болып жатыр? Уәде етілген бақылау қайда? Қалай? Карантин және оқшаулау кезінде балаларды қалай жұқтыруға болады? (…) Өскеменде осындай орталық құрыңыз! Мен олардың қызметін жеке қадағалаймын! Сізден жауап күтемін!», — деп жазды баланың анасы.

Аталған жағдайға балалар омудсмені Аружан Саин араласты. 

Оның айтуынша, бұл жағдай психоневрологиялық ауытқулары бар балалар тұратын орталықтағы балалардың құқығын бұзудың алғашқы фактісі емес. Өткен жылы орталық тәрбиешісі резонанстық бейнежазба түсіріп, онда екі тәрбиеленуші мекеме қабырғасында бірнеше рет жыныстық зорлық-зомбылыққа ұшырағандары туралы айтты.

«Соңында біз бұл ақпаратты республикалық деңгейге шығаруға мәжбүр болдық. Қасым-Жомарт Кемелұлын осындай күрделі жағдайлар туралы Жеке хабардар етемін. Хат жаздым. Іс бас прокуратураға берілді. Бірақ, өкінішке қарай, іс жабылды. Біз мұнымен келіспейміз. Қазір осы интернатта балалардың көз жұмғаны туралы ақпарат алып отырмыз, оларда кейбір індеттер бар. Онда көптеген тәрбиеленушілер түрлі аурулармен облыстық ауруханада жатыр», — деді Аружан Саин.

Балалардың құқықтарын қорғау жөніндегі уәкіл осы арнайы мекемеде мұқият тексеру жүргізуді талап етеді. Бұл ретте, комиссия құрамында басқа өңірлердің өкілдері болуы тиіс. Оның пікірінше, адамдар жергілікті жұмыс топтарын тергеудің объективтілігіне сенбейді.