Қостанай облысындағы қараусыз қалған үйден адам денесінің қалдықтары салынған қап табылды — Қазақстан жаңалықтары

Қостанай облысы Қарабалық ауданының полицейлері Белоглинка ауылындағы қараусыз қалған үйлердің бірінде полипропилендік қапқа салынған адамның сүйектерін табу фактісі бойынша сотқа дейінгі тергеу жүргізіп жатыр, деп хабарлайды Stan.kz ақпарат агенттігі.

Аlau.kz сайтының жазуынша, полицияға қорқынышты қап туралы ақпаратты жергілікті тұрғын хабарлады.

Оның айтуынша, қараусыз қалған үйді жинап жүрген кезінде қапқа сүрініп қалады. Ал қаптың ішінде не бар екенін көру үшін ашқанда, қорқып кеткен.

«26 сәуір күні Қарабалық ауданы полиция бөлімінің учаскелік полиция инспекторының телефонына Белоглинка ауылының тұрғыны қоңырау шалып, тұрғын емес үйді жинау кезінде адамның денесінің сүйектері бар полипропилен қап тапқанын хабарлады», — деді Қостанай облысы полиция департаментінің баспасөз қызметі.

Құқық қорғау органдарының түсіндіруінше, табылған қалдықтардың 1982 жылы туған жергілікті тұрғынға (әйел) тиесілі болуы мүмкін, ол 2014 жылдың қарашасында жоғалып, осы күнге дейін із-түссіз кеткендер тізімінде болған.

Істі тергеу жалғасып жатыр. Өлім себебін анықтауға көмектесетін бірқатар сараптамалар тағайындалды.