Көкшетауда 3 әйел ер адамды жабылып соққыға жықты

Аталған факті бойынша қылмыстық Кодексінің 293-бабы 2-бөлігі (бұзақылық) бойынша сотқа дейінгі тергеу басталды

НҰР-СҰЛТАН, 2 наурыз – Sputnik. Көкшетау қаласында үш әйел ер адамға жабылып, ұрып тастады, деп хабарлады Polisia.kz.

Ресми ақпаратқа сәйкес, 1 наурыз күні таңғы сағат 06:00 шамасында «102» пультіне қаладағы ойын-сауық орындарының бірінде төбелес болды деген хабарлама түскен. Оқиға орнына полицейлер барды.

Куәгерлерлерден жауап алу кезінде жанжалға 43 жастағы ер адам мен 38, 41 және 42 жастағы үш әйелдің қатысқаны анықталды. Олардың бәрі бір дәмханада болған.

«Ер адам әйелдер отырған үстелге барған. Сол жерде олардың арасында кенеттен жанжал туындады. Мекеме әкімшілігі оларды далаға шығарып жіберді. Жанжал кезінде әйелдер ер адамға дене жарақатын салған», — делінген ресми хабарламада.

Тағы оқыңыз: «Бәрі өз еркіммен болды». Ақтөбелік әйел өзін жабылып зорлағандарды ақтап отыр

Аталған факті бойынша қылмыстық Кодексінің 293-бабы 2-бөлігі (бұзақылық) бойынша сотқа дейінгі тергеу басталды.