Түркістан полициясының бұрынғы бастығы жаңа қызметке тағайындалды — Қазақстан жаңалықтары

Түркістан облысы ПД басшысының бұйрығымен Данияр Мейірхан Түлкібас аудандық полиция бөлімі басшысы болып тағайындалды, деп хабарлайды Stan.kz ақпарат агенттігі.

Түркістан облысы полиция департаментінің бастығы полиция генерал-майоры Қайрат Далбеков полиция подполковнигі Данияр Мейірханды Түлкібас аудандық полиция бөлімінің жеке құрамымен таныстырды.

Данияр Мейірхан 1981 жылы туған, 2003 жылдан бастап ішкі істер органдарында қызмет етеді. Естеріңізге сала кетейік, бұған дейін Қазақстан Республикасы Ішкі істер министрінің полиция генерал-лейтенанты Ерлан Тұрғымбаевтың бұйрығымен, полиция полковнигі Данияр Мейірханды Түркістан  полиция басқармасы бастығы қызметінен босатылды, деп хабарлады Түркістан ПД баспасөз қызметі.