Қоянды тұрғындары терезе сыртындағы қарлы омбыдан күн мен түнді шатастырады — Қазақстан жаңалықтары

Қоянды ауылында 200 үйді бірден су тасқыны күтіп тұр, оларда істерге амал жоқ. Қардың көптігі соншалық, қар үйлердің шатырларына жетіп тұр. Тұрғындар жолды өз бетімен тазалап әлек. Жергілікті әкімдік бұл мақсаттарға миллиондаған теңге бағытталғанымен бұл мәселені шешіп жатқан жоқ, деп хабарлайды Stan.kz ақпарат агенттігі «КТК» телеарнасына сілтеме жасап.

Қоянды ауылында қардың көптігі соншалық, тау шаңғысы курорттары да қызғанышпен қарай алады. Бірақ тұрғындардың бұдан келіп кетер қуаныштары жоқ. Қар көшелер мен үйлерді жауып тастаған. Ауладан шығу үлкен проблема. Ал қарлы борандардан кейін терезелердің алдын қардан тазарту керек, әйтпесе таңертең қараңғы түнде оянғандай болып, күн мен түнді шатастырады екен.

«Құдай сақтасын, үйде біреу ауырып қалса, бұл жаққа көлік те, басқасы да келе алмайды, ал үйде 71 жастағы енем бар. Мына қар еріген кезде бәріміз үйде суға шомыламыз. Бұл дымқыл, ал одан балалар ауырып қалуы мүмкін», — дейді Қоянды ауылының тұрғыны Жаңыл Тәліпова.

Көктемнің алғашқы жылы күндерін халық қорқынышпен күтуде. Ауыл тұрғындары бірнеше рет әкімнен қарды тазартуды өтінген, бірақ ешқандай да жауап алмаған. Техника тек басты көшелерде ғана бой көрсетеді екен. Жыл сайын су астында қалатын ең қауіпті аймақта бірде-бір трактор немесе экскаватор жоқ. 

«Қар тазарту тендерін ұтып алған адам қайда? Біз көшеде ешкімді көрмейміз. Әкімдікке барамыз, сұраймыз. Олар жұмыс жалғасуда деп айтады және бәрі өзгеріссіз қала береді. Мұнда миллиондар бөлінді. Сол ақша қарды тазалай алатындарға берілсін», — дейді ауыл тұрғыны Серік Ахметов.

Қоянды көшелері қазір қарлы лабиринтке ұқсайды. Шағын аллеялар, бірақ жоғары қарлы боранның артында сіз қайда екеніңізді анықтай алмайсыз. Оңай жоғалып кетуге болады. 

Әкімдік жолдарды қардан тазартуға көп қаражат бөлінбегенін айтады: 6 миллион теңге. Жауын-шашын былтырғыдан 4 есе көп. Бұл ақшаға үш тиегіш, экскаватор және бес КамАЗ жүк көлігіне ғана жеткен. Бірақ бұл барлық қарды ауылдан тазарту үшін жеткіліксіз. Сондықтан олар қазірдің өзінде өздерін қиын жағдайларға дайындауда.

«100% шығарамыз деп айта алмаймын. Бұл, біріншіден, бөлінген қаражат пен ауа-райына байланысты. Егер күрт жылынып кетсе, әрине, уақытында үлгермейміз. Иә, техника жетіспейді, бірақ көбейтуге болады, алайда қазір бөлінген қаражат толық жұмыс істеуге мүмкіндік бермейді. Бірақ біз аймақтан, қосымша жабдықтар күтеміз», — дейді Қоянды ауылдық округінің әкімі Айбек Есеев. 

Қоянды ауылы Целиноград ауданының төтенше жағдай аймағында орналасқан. 200 үйді су басу қаупі астында. Қар тазалайтын техникадан басқа, олар әкімдіктен құм, сорғы станциялары мен самосвалдарды табуға тырысады.