«Қайыршылар секілді өмір сүреміз»: Әуезов театрының әртістері сахнаға шығудан бас тартты — Қазақстан жаңалықтары

Әуезов театрының әртістері сахнаға шығудан бас тартып отыр, деп хабарлайды Stan.kz ақпарат агенттігі КТК телеарнасына сілтеме жасай отырып.

Алматыда Әуезов атындағы Қазақ мемлекеттік театрының әртістері мәдени мекеме директорын жұмыстан шығармауын талап етіп, сахнаға шығудан үзілді-кесілді бас тартты.

Драма театрының 200-ден астам қызметкері бір апта бойы режиссерін қорғауға тырысып бағуда. Репетициялар артта қалды, оның орнына актерлер, тігіншілер және әрлеушілер билікке хат жазды.

Әртістердің айтуынша, театр жетекшілері жыл сайын өзгеріп отырады. Бірінші кезекте ұжымның өзі бұндай өзгерістерден зардап шегеді. Жанжалдар жиі болып тұрады дейді олар.  

«Бес жыл ішінде біз үш басшыны ауыстырдық, ал бізде не болды? Ештеңе! Олармен топ үнемі бірнеше лагерьлерге бөлінді, тек қызу пікірталастар мен жанжалдар болды. Біз жалақы мен сыйақы ала алмадық, ал театрдың өзі миллиондаған қарызға батты. «Көрермендер келсе де, біз гастрольге шықсақ та, қайыршылар сияқты өмір сүріп келеміз. Қазіргі басшының кезінде бәрі тұрақталды, енді оны орнынан алып тастағылары келеді», — дейді актриса Нұржан Бексұлтанова.

«Мұнда басшылар іріктеудегі секілді үнемі ауысып отырады. Оларға енді үйреніп қалғанда, орнынан алып тастайды, басқалары келеді және осылай қайталана береді. Ешқайсысына ештеңе істеуге уақыты жетпейді, ал театрдың өзі қараусыз қалды. Бұл қашанға дейін жалғасады? », — деп Жеңіс Тұрарбеков шағымданады.

Ұжымның айтуынша, қазіргі басшының қолынан қарыздарды өтеу келіпті. Қарыз сомасы — шамамен 14 миллион теңге. Сонымен қатар, әртістерге жаңа костюмдер тігіліп, залдағы декорация жаңартылып, жарық қалпына келтірілген. Көрермендер көбейді.

«Біз басшымыз Сәбит Әбдіхалықовтың театрды одан әрі басқарғанын қалаймыз. Біз бұған дейін оны орнында қалдыру үшін  мәдениет министріне хат жаздық. Егер бізді тыңдамаса, біз президентке хат жазуға дайынбыз. Біз театрымызды сақтап, қалыпты жағдайда жұмыс істегіміз келеді», — деді Гүлнар Жақыпова.

Мәдениет және спорт министрлігінің комиссиясы драма театрының директорын қызметінен босату туралы шешім қабылдаған жоқ дейді. Ол әлі де өз лауазымын атқаруда. Шенеуніктер әртістердің қорқынышын негізсіз деп атады. Мекеме театр труппасын үрейленбеуге және жаттығуларға оралуға шақырды.

«Ол денсаулығына байланысты демалыста жатыр. Министрлік оған қатысты қандай да бір шешім қабылдауға, яғни оны заңға сәйкес босатуға құқылы емес. Қызметкерлердің пікірі біз үшін өте маңызды, бірақ шешім әдетте заң аясында босатылуға тиісті ме, жоқ па, сондай-ақ, ол өз жұмысын басқара ала ма, жоқ па және театрдың тиімділігі тұрғысынан  қарастырылады», — дейді Күміс Сейітова, мәдениет және өнер істері департаментінің директоры.