Сапарбаев жаңа қызметіне қатысты ойын айтты
Қысқа сілтеме алу
10 ақпанда үкімет басшысының бұрынғы орынбасары Бердібек Сапарбаев Жамбыл облысының әкімі болып тағайындалды
НҰР-СҰЛТАН, 11 ақпан – Sputnik. Жамбыл облысының әкімі Бердібек Сапарбаев жаңа қызметіне қатысты пікір білдірді, деп хабарлайды Sputnik Қазақстан тілшісі.
«Оны шешетін мемлекет басшысы. Президент осындай шешім қабылдағаннан кейін, мен оны орындауға міндеттімін. Кезінде министр болсам, қазір әкім болып, Жамбыл облысындағы оқиғалардың салдарын тезірек жою үшін жұмыс істейміз», — деді ол үкімет кулуарында.
Мемлекет басшысының жарлығымен берілген өтінішіне орай Асқар Мырзахметов Жамбыл облысының әкімі қызметінен босатылды. Ол облысты екі жыл басқарды. Оның орнына премьер-министрдің орынбасары болған Бердібек Сапарбаев тағайындалды.
Бердібек Сапарбаев туралы не білеміз
Бердiбек Мәшбекұлы Сапарбаев 1953 жылы 9 ақпанда Қызылорда облысы Жаңақорған ауданындағы Бесарық ауылында туған. 1977 жылы Алматы халық шаруашылығы институтын экономист мамандығы бойынша тәмамдады.
Түрлі жылдары министрлер кабинеті аппаратының жетекшісі, Қызылорда, Оңтүстік Қазақстан облыстарының әкімі, кедендік бақылау агенттігінің төрағасы, қаржы министрінің орынбасары қызметін атқарды.
Тағы оқыңыз: Сапарбаев Қордай ауданындағы қазіргі жағдай жайлы айтты
2009 жылдың 4 наурызынан бастап 2014 жылдың 11 қарашасы аралығында Шығыс Қазақстан облысының әкімі болды. 2014 жылдың қараша айынан 2015 жылдың 11 қыркүйегіне дейін премьер-министрдің орынбасары болды.
Ақтөбе облысын басқарды. 2019 жылдың 25 ақпанынан 20 тамызына дейін еңбек және халықты әлеуметтік қорғау министрі қызметін атқарды. Ал 20 тамыздан 10 ақпанға дейін – үкімет басшысының орынбасары. Үйленген, үш бала тәрбиелеп өсірді.
sputniknews.kz
