Еуропалық клуб Стойловты өзіне алу үшін Қазақстанға өтемақы беруге дайын » Vesti.kz

Басылым мәліметінше, «Левски» Стойловты команда бапкерлігіне ең мықты кандидат ретінде есептейді, ал клуб басшылығы Қазақстан футбол федерациясына келісімшартты бұзу үшін қаржылық өтемақы беруді қарастырып отыр екен. 

16 турдан кейін «Левски» чемпионатта үшінші келеді, ЦСКА-дан үш ұпай, ал «Лудогорцтен» жеті ұпай артта келеді. Осы және Кубоктан шығып қалу қазіргі бапкер Славиши Стояновичтің беделін түсіріп жатыр. 

1 қаңтардан бастап Павел Колев «Левски» бапкері міндетін атқарушы болады. Ол Стойловпен жақсы қарым-қатынаста және Қазақстан құрамасының бапкерін көндіруі мүмкін екені айтылады. 

Футболшы ретінде Стойлов «Левский» сапында 1990 жылдан 1992-ге дейін, 1994 пен 1996 және 1998 бен 2003 жылдар аралығы ойнады. Софиялық команда капитаны болды және төрт рет Болгария чемпионы атанған. 2003 пен 2008 аралығы Стойлов «Левскиді» жаттықтырып, оны Чемпиондар лигасы топтық кезеңінен шығарған және УЕФА кубогының ширек финалына дейін жеткізген. 

Қазақстанда Стойлов 2014 жылдан істеп келеді. Оның жаттықтыруымен «Астана» төрт рет ел чемпионы атанды, Чемпиондар лигасының топтық раундында ойнап, Еуропа лигасының плей-офф кезеңіне жетті. 

Наурызда 51 жастағы Стойлов Қазақстан құрамасын жаттықтыра бастады, келісімшарты екі жылға жасалған. Болгариялық маманның бастауымен команда жолдастық үш кездесудің екеуін ұтты, алайда, Ұлттар лигасында тек екінші болды.

Мұның алдында, «Қайрат» Стойловқа қызығушылық білдірген еді, бірақ, аяғы 30 жастағы белоруссиялық Алексей Шпилевскийді таңдады.