Тоқаев православ христиандарын Рождество мерекесімен құттықтады
Қысқа сілтеме алу
Тоқаев барлық православ христиандарына амандық және бақ-береке тілеп, елімізде әрдайым бейбітшілік пен бірлік болсын деді
НҰР-СҰЛТАН, 7 қаңтар — Sputnik. Мемлекет басшысы Қасым-Жомарт Тоқаев еліміздің православ христиандарын Рождество мерекесімен құттықтады.
«Тарихы көне ғасырлардан бастау алатын бұл мейрам азаматтарды адамгершілік, мейірімділік және бауырмалдық сияқты мәңгілік құндылықтардың қадір-қасиетін терең ұғынуға шақырады», — делінген Ақорда сайтында жарияланған құттықтауда.
Қазақстан президентінің айтуынша, конфессияаралық келісім – мемлекетіміздің табысты дамуының маңызды факторларының бірі.
Тағы оқыңыз: Православ христиандары Рождество мерекесін атап өтуде
«Біз елімізді мызғымас береке-бірліктің рухына сәйкес өркендетіп, болашаққа нық қадам басып келеміз. Қазақстан қоғамының ажырамас бөлігі саналатын православ христиандары тәуелсіздігімізді нығайтуға мол үлес қосуда. Біз халқымыздың әл-ауқатын арттыру үшін бірге қажырлы еңбек ете береміз», — деді президент.
Қасым-Жомарт Тоқаев барлық православ христиандарына амандық және бақ-береке тілеп, елімізде әрдайым бейбітшілік пен бірлік болсын деді.
sputniknews.kz
