қаза болған қазақстандық студент Канадада жерленді

Канадада өткен жерлеу рәсімінде марқұмның анасы, туған туыстары, студенттер мен Сентенниал колледжінің әкімшілігі қатысты

НҰР-СҰЛТАН, 5 қаңтар – Sputnik. Торонтода жол апатынан қаза тапқан қазақстандық студент Дамир Құсайын жерленді, деп хабарлайды CTV News.

Сенбі күні Торонто қаласындағы Ислам қорында өткен жерлеу рәсімінде марқұмның анасы Гүлжан Бұхарова ұлының музыканы, ағылшын тілінде өлең жазғанды жақсы көретінін, Канаданың азаматтығын алуды армандағанын айтты.

«Ол балалық шағындағы арманын іске асырды. Канадада білім алғысы келген еді. Маған қайғылы хабарды жеткізгендер телефон нөмірімен қателескен болар деп үміттендім. Мен не ойларымды білген жоқпын. Келесі күні 31 желтоқсанға дейін мені ауруханада болдым. Қайғылы жағдайды естіген кезде қозғала алмай қалдым. Бұл маған өте ауыр», — дейді ана.

Дамир Құсайынның анасы ұлы Канадада тұруды армандағандықтан, сол жерде жерлеуге шешім қабылдапты. Қазақстандық студент Сентенниал колледжінің 1-курсында «автоматизация және робототехника» мамандығы бойынша білім алып жатқан.

Centennial Place жатақханасының директоры Мэтью Флеминг Дамирдің белсенді студент болғанын, оның түрлі шараларға жиі қатысқанын есіне алды.

«Мен оның жатақхана бөлмесіндегі студенттердің жаны сұлу екенін жиі айтатыны есімде. Себебі, Дамирдің жаны сұлу болатын. Ол қайғыға ортақтаса алатын, жаны таза, қамқоршыл адам болды. Оны бәрі жақсы көретін. Мен Дамирді қатты сағынатын боламын», — деді ол жерлеу рәсімінде.

Тағы оқыңыз: Студент қыз құймақ жеуден өткен жарыста көз жұмды

Сондай-ақ, Сентенниал колледжінің президенті және атқарушы директоры Крейг Стивенсон Дамир Құсайынның студенттерге және мектеп әкімшілігіне жағымды әсер қалдырғанын атап өтті.

Оның айтуынша, қазақстандық студенттің атына 500 доллар көлемінде стипендия тағайындалады. Бұл шәкіртақыны 2020 жылы робототехниканы оқып жатқан, әрі оқу үлгерімі бойынша ең жоғарғы орташа балға ие болған студент ала алады.

Канададағы жол апаты

2019 жылы Торонтода жол апаты салдарынан қазақстандық студент қаза тапқан. Бұл ақпаратты Қазақстанның сыртқы істер министрлігі растады.

Торонто полициясының мәліметінше, 2019 жылдың 22 желтоқсанында кешке Скарборо ауданында жүргізуші көлігін дұрыс басқара алмай, жаяу жүргінші жолымен  келе жатқан үш студентті қағып кетті. Екеуі көз жұмды, біреуі Қытай азаматы, тағы бір адам ауыр халде жатыр.