Алматы маңында жер сілкінді

https://sputniknews.kz/images/908/60/9086011.jpg

https://sputniknews.kz/regions/20191205/12207208/Almaty-zher-silkindi.html

Алматы қаласынан 442 километр қашықтықта жер сілкінді. Жер асты дүмпуінің магнитудасы 4.9-ға жетті

НҰР-СҰЛТАН, 5 желтоқсан — Sputnik. Қазақстандық сейсмикалық станциялар Алматыдан оңтүстік-шығысқа қарай, Қытай аумағында жер асты дүмпулерін тіркеді.

Жер сілкінісі бесінші желтоқсанда Алматы қаласының уақыты бойынша сағат 08:46-да болды.

«Жер сілкінісің ошағы Алматыдан оңтүстік-шығысқа қарай 442 шақырым қашықтықта, Қытай аумағында орналасқан. Магнитудасы MPV 4.9. Тереңдігі 15 километр», — делінген сейсмологиялық тәжірибелік-әдістемелік экспедиция мәліметінде.

Жер сілкінісінің сезілу деңгейі жайлы ақпарат түскен жоқ.

Атап өтсек, төртінші желтоқсанға қараған түні жер сілкінісін Алматы облысының бірнеше қаласының тұрғындары сезді. Мәселен, Текелі мен Талдықорғанда жер асты дүмпулерінің күші үш баллға дейін жетті.

Тағы оқыңыз: «Жарылыс деп ойладық»: Нұр-Сұлтан тұрғындары ұйқыдан шошып оянды – видео