Димаш аты аңызға айналған әншімен бірге ән шырқады – видео

Димаш Құдайберген Игорь Крутойдың туған күніне арналған концерттің алдында ұлы тенормен бірге Besame Mucho әнін шырқады

НҰР-СҰЛТАН, 4 қараша – Sputnik. Танымал қазақстандық әнші Димаш Құдайберген өзінің Instagram парақшасында аты аңызға айналған әнші Андреа Бочеллимен бірге сахна сыртында ән айтып жатқаны жайлы видео жариялады.

Ұлы тенор Димашаты фортепианомен сүйемелдеп отырған. Әншілер Besame Mucho туындысын орындады.

«Маэстромен көріспегелі көп болып еді. Біз гример бөлмесінде ән айтуды жөн көрдік. Сахнаға шығатын уақытты күтіп отырмыз. Әлемдегі ең әдемі тенор Андреа Бочеллимен бірге», — деп жазды Димаш видеоға.

Димаш 65 жасқа толған ресейлік композитор әрі продюсер Игорь Крутойдың мерейтойына арналған концертке қатысты.