Шығарма: Кім кінәлі, өзіміз бе? Жоқ әлде өзгелер ме? » ZHARAR

Мартұлы Асылбек
11 сынып, Парамоновка орта мектебі
Ақсу ауданы

Ассалаумағалейкум елім десе елеңдеген қазақтың ер жүрек ұлдары мен батыр қыздары.Алаш десе астындағы атын түсіп беретін,дос болғанаға құдайындай сенетін сіздердей ұл- қыздарды қазақ халқы мақтан тұтады.Мен сіздерді алда келе жатқан қазақтың төл мейрамы Наурыз мерекелеріңізбен шын жүректен құттықтаймын. Барлығыңызға қазақтың төл жаңа жылы Наурыз мейрамында жаңа бақыт,зор денсаулық,ұзақ ғұмыр тілеймін. Менің бұл мейрамды бір ай бұрын құттықтап тұрған себебін қазақтың төл мейрамдары басқа ұлттардың той-томалақтарының көлеңкесінде қалып бара жатқанын көріп алаңдаушылық сезімнен туып отыр. Йа,алаңдамасқа болмайды себебі бұл күндері сонау ата-бабаларымыздан бері жалғасып келе жатқан өзіндік тарихы бар мерекелерімізден қарағанда өзге шетелдік мейрамдардың салмағы басымрақ болып барады.
Біз сонда өзіміздің сан ғасырдан бері жалғасып келе жатқан мерекелерімізді жинастырып қойып өзімізбен ешқандай қатысы жоқ шетелдік мерекелерді тойлай береміз бе?Мысалы орыстың жаңа жылында бір ай бұрын дайындалып 31-ші желтоқсанда бар жоғымызды қойып,түңгі сағат 12 болғанда от шашу атып күтіп аламыз.Ол түні сол бір от шашулардан болып қаншама адам жарық алып жатқанына қарамастан ес білген баладан еңкейген қартқа дейін тойлатып ішіп- жеп кейбір үлкендер араққа әбден тойып алатындары бар.Ал олт бейкүнә сәбилерді қазір аяз ата келеді,силық әкеп береді деп алдаймыз, ал өзіміз қазақтың төл мейрамдарын ұмытып сол бір жалған аяз атаға алданған сәбилердей өзіміздің төл жаңа жылымыз Наурыз мейрамын өгейсітіп шетелдік тойды тойлағандай жлғыз ұлттық мерекемізді тойлай алмай жатқанымызға қарным ашад.Кейде сол бір мейрам қалай өтіп кеткенін де білмей қалып жатамыз.
Йа рас, кейбір жасөспірім балалардан қазақтың жаңа жылы қашан деп сұрасаңыз 31-ші желтоқсанды айтып кейіннен сасып қалатынымыз бар,ал сол балалардан қайтіп ұлтын сүйген ұрпақ шығады деп айта аламыз.Балаларды қоя тұрайықшы кейбір ересек адамдар жаңа жыл мен Наурыз мерекесінің қайсысы сан жылдан бері келе жатқан қазақтың төл мейрамы екенін ажырата алмай жатқанда еріксіз жағаңызды ұстайсыз.Осынау әңгімелерден кейін қазақтың төл мейрамдарының бағасы мұншалықты түсіп кеткеніне кім де болмасын жүрегі ұлтым,тарихым,дәстүрім деп алаңдайтын адам болса бұл оқиғаға қарны ашатыны рас.Бұл бір оқиғаларға не себеп боп тұр деген сұрақ туады.
Өзіміздің төл мейрамдарымызға деген құрметтің жоқтығы ма,жо болмаса басқа ұлттардың тойын тойлайтын ақшаның көптігі ма?Құрметтің жоқтығынан дейтін болсақ бұл бір ұят нәрсе.Сондай асып-тасып,сыймай тұрған ақша болса өзіміздің төл мейрамымыз Наурыз мерекесін неге дүркіретіп тұрып жасамаймыз?Сол бір жаңа жылда ана шырша мына шырша деп бөлініп жатқан миллион тіпті миллиард теңгелердің жартысы болса да Наурыз мерекесіне бөлініпті деп естімейміз.Метр-метр шырша тұрғызып мақтанғанша,қазан-қазан наурыз көже асып жетім жесірлердің қарнын тойдырып неге мақтанбаймыз?Бір ай бұрын дайындалып кем дегенде бес күн неге тойламаймыз,жо болмаса жаңа жылда жеті күннің төл мейрамымыз Наурыз мерекесіне бұйырмағаны ма?Біз неге өз мейрамымызды бұрынғы ата-бабаларымыздай ат жарыстырып,балуан күрестіріп,көкпар тартып,қыз қуып,арқан тартып,жамбы атып,ақындар айтыстырып,ақсүйек ойнап,үлкен
ақсақалдардан бата алып бір мәз болып қалмаймыз,не болмаса қазақтың көпті көрген ақсақалдарымыздан,ақ жаулықты әжелерімізден сол бір жалған сақал таққан Аяз атаның батасы артық болғаны ма?Жоқ солай тойласақ ‘’тек’’ дейтіндер бар ма?
Біз сонда тәуелсіздігімізді алғанымызға 23 жыл толмай жатып басқа ұлттың тойын тойлап басымыз айпанып жүрсе сонда біздің келешек ұл-қыздарымыз,бауыр-қарындастарымыз не болмақ,осылай шетелдік Аяз атаның тәттісіне алданып,өздерінің кім екенін білмей жүре бере ме?Біз неге осыншалықты сырттан келген қонаққа ашық қолдылық жасап соңында соған төрді беріпөзіміз сырғып қалып барамыз.Жаңа жыл,жаңа жыл депқыстың сәні болып тұрған жасыл шыршаларды құлатып,табиғатқа залал келтіргенше өзіміз ұлт болып,ел болып неге ағаш отырғызбаймыз?Сонда елбасының ‘’Жасыл ел’’-деп қаржы бөліп жаздай еккен еңбегін қыс ортасында жаңа жыл деп қиып ала берсек сұрау жоқ па,я болмаса сол бір табиғатты аяйтын адам жоқ па?Отыз күн ойын-қырық күн тойын қылмасақ та қашан өзіміздің төл мейрамымызды орыстың жаңа жылынан артық тойлаймыз?Бұл бір шетелдік мерекенің баса-көктеп төрімізден орын алуына кім кінәлі өзіміз бе,жоқ әлде өзгелер ме,болмаса қазақ үшін айрықша атқарған қызметі бар ма?Менің ойымша оған өзгелер де емес атқарған қызыметі де жоқ тек өзіміздің нашарлығымыздан төрге шығып ап керек болса өзіміздің салт,дәстүр,той-томалақтарымызды аз да болса босағаға қарай сырғытып отыр.Біз осылай құшағымызды кеңге салып отырғандаөзіміздің ұлттық рухымызды жоғалтып алмасақ жарар еді!