Қазақ тілінен сабақ жоспары: Наурыз тойы №9 (3 сынып, IV тоқсан, 8 бөлім) » ZHARAR

Пән: Қазақ тілі Т2
Ұзақ мерзімді жоспар бөлімі: 8-бөлім «Демалу мәдениеті. Мерекелер»
Сабақ тақырыбы: Наурыз тойы №9
Осы сабақта қол жеткізілетін оқу мақсаттары:
1.3 Тыңдаған аудио/бейнематериалдың мазмұнын түсіну
3.1.3.1 тыңдаған материалдың (ұзақтығы 1,5-2 мин) мазмұны бойынша сұрақтарға жауап беру және сюжеттің даму желісі бойынша иллюстрациялар орналастыру/кесте толтыру/ мазмұндау
2.6 Орфоэпиялық нормаларды сақтау
3.2.6.1 мұғалімнің қолдауымен айтылуы мен жазылуында айырмашылығы бар сөздерді дұрыс айту
Сабақ мақсаттары:
Оқушылардың барлығы:
мәтіннің мазмұны бойынша сұрақтарға дұрыс жауап береді және айтылуы мен жазылуында айырмашылығы бар сөздерді мұғалімнің қолдауымен ажыратады.
Оқушылардың көпшілігі:
мәтіннің мазмұны бойынша сұрақтарға дұрыс жауап береді және айтылуы мен жазылуында айырмашылығы бар сөздерді үлгі бойынша ажыратады.
Оқушылардың кейбірі:
мәтіннің мазмұны бойынша сұрақтарға дұрыс жауап береді және айтылуы мен жазылуы өзгеше сөздерді дұрыс ажыратады.
Сабақ барысы: «Шаттық шеңберіне» шақыру
«Гүлмен тілек» тренингі
Оқушыларды бір-біріне тілек айту арқылы жақындастырады, көңіл күйін көтереді, бауырмалдығын оятады.
Ой шақыру
«Наурыз тойы» Роза Рымбаеваның әнін тыңдату
— Ән не туралы?
— Ән саған қандай көңіл-күй сыйлайды?
Сабақтың мақсатымен таныстыру:
˗ мәтіннің мазмұны бойынша сұрақтарға дұрыс жауап беремін;
˗ айтылуы мен жазылуы өзгеше сөздерді дұрыс айтамын.
Мағынаны тану
(Ұ) Жаңа сөздерді меңгерту
Бәйшешек – гүл, дала гүлі
қоштасу – Сау болыңыз! Кездескенше!
Ертеңге шейін
Дамыту жолдары:
˗ сөздерді суреттер арқылы меңгерту;
˗ сөздерді синоним немесе мағынасы жақын сөздер келтіріп түсіндіру;
˗ сөздермен сөйлемдер ойластыру;
˗ дұрыс айту мен дұрыс жазу жолдарын меңгерту;
˗ сөздерді дауыстап айтқызу.
1-тапсырма:
(Ұ) Мәтінді мұқият тыңда. Сұрақтарға жауап бер.
Бүгін наурыз мерекесі. Әжем наурыз көже пісірді. Анам дастарқан жайып жатыр. Мен даладан бәйшешек жинап әкелдім. Бәріміз дастарқан басына жиналамыз. Көктемді қарсы алып, қыспен қоштасамыз. Наурыз тойы қызықты және көңілді өтеді. Маған Наурыз мейрамы өте ұнайды.
1) Наурыз мерекесін қашан тойлайды?
2) Наурыз мерекесін қалай қарсы алады? …..