Технологиядан ашық сабақ, алжапқыш сызбасы, өлшем алу

6 сынып
Сабақтың тақырыбы: М1: 4 шынайы өлшемде алжапқыш сызбасын жасау (слайдымен)
Мақсаты: Алжапқыш сызбасын тұрғызу үшін алынатын өлшемдердің атауларын атай отырып, сызбаның дұрыс түсірілуін түсіндіру.
Міндеттері:
1. Өлшем алу ережесімен және шартты белгілерімен таныстыру.
2. Оқушылармен бірлесе отырып, сызбаның дұрыс түсірілуін және өлшемдерді дұрыс ала білуін қадағалау.
3. СТО бағдарламасы бойынша стратегияларды пайдалануда ой — қабілеттілігін дамыту.
4. Эстетикалық талғамға сай, ұқыпты топпен бірлесіп жұмыс жасай білуге тәрбиелеу.
• Сабақ түрі: Аралас сабақ
• Жаңа технология: СТО бағдарламасы
• Пайдаланатын стратегия: «Ой қозғау» «Көрнекілік», «БББ».
• Сабақты байланыстыратын пән: математика, сызу.
• Көрнекілік: Слайд, суреттер, оқулық, т. б.
• Материалдық — техникалық жабдық: интербелсенді тақта.

Сабақтың сәті:
I. Қызығушылығын ояту.
1. Үй жұмысын бекіту.
ІІ. Мағынаны тану.
1. Кіріспе бөлімі.
2. Сарамандық жұмыс.
ІІІ. Ой толғаныс.
1. Үйге тапсырма.
2. Жұмыс орнын жинау.
• Сабақтың ұраны:
“Талаппен баста, талғаммен аяқта”

Сабақ барысы:
І. Қызығушылығын ояту.
Оқушылармен сәлемдесу, оқушыларды түгендеу, құрал — жабдықтарын тексеру, сабаққа зейінін аудару, сабақтың мақсатымен таныстыру, оқушыларды топқа бөлу.
1. Үй жұмысын бекіту.
Графикалық диктант (иә — « +», жоқ — «-»)
1. Киім адамды ауа райының қолайсыз жағдайларынан қорғайды.
2. Тұрмыстық киім түрлеріне – күнделікті, салтанатты, үйде киетін киім түрлері жатады.
3. Өндірістік киім — әскери адамдардың киімі.
4. Санитарлық киім – шикізат, өнім, азық – түлік, керек – жарақтарды тұрмыстық заттардан, адам денесін оқшаулау.
5. Спорттық киім – туризм және спортпен айналысатын адамдар киеді.
6. Формалық киімдер — өрт сөндірушілер, мектеп оқушыларының киімдері.
7. Салтанатты киім түрлерін арзан мата түрлерінен тігеді.
8. Киім түрлері жыл мезгіліне бөлінеді.
Дұрыс жауап

* Ой қозғау стратегиясы
1. Ал, алжапқыш қандай киім түрлеріне жатады?
(Тұрмыстық киім түріне жатады), (оқушы жауап береді, мұғалім АЛЖАПҚЫШТЫҢ суретін көрсетеді).
2. Алжапқышты не үшін қолданамыз?
(оқушылар өз ойларын айтады)
«Көрнекілік» стратегиясы: (Бірнеше алжапқыш суреттері көрсетіледі.)

ІІ. Мағынаны тану.
Өлшем алу үшін сантиметрлік таспаны пайдаланамыз. Оны 1810 жылы француз тігіншісі ойлап тапқан. Таспаның ұзындығы 150 см болу керек. Өлшем дұрыс болу үшін үнемі бір таспаны пайдаланған жөн.
Сантиметрлік таспа дециметрлік, миллиметрлік бөліктерден тұрады.
Кез келген бұйымды дайындау үшін оның сызбасын жасау керек. Ал сызбаны дайындау үшін адам денесінің өлшемін алу қажет. Алжапқышты тікпес бұрын оның сызбасын құрастырып, үлгі дайындайды. Ол үшін адам денесінің өлшем бірлігінің сантиметрлік таспамен
өлшейді.

Назар аударыңыз! Жасырын мәтінді көру үшін сізге сайтқа тіркелу қажет.