Қазақстанда 21 қыркүйектен бастап теміржол билеттері қымбаттады

21 қыркүйектен бастап сұранысқа ие 28 бағыт бойынша теміржол билеттері қымбаттады, ал 11 бағыт бойынша бұрынғы баға қалып отыр

НҰР-СҰЛТАН, 25 қыркүйек — Sputnik. Қыркүйек айынан бастап әлеуметтік маңызды облысаралық бағыттар бойынша жүретін пойыз билеттерінің бағасы 10%-ға қымбаттады, деп хабарлайды «Жолаушылар тасымалы» АҚ баспасөз қызметі.

Әлеуметтік маңызды 39 бағыттың 28-інің бағасы көтерілді.

Қазақстан темір жолы компаниясының мәліметінше, 11 бағыттағы пойыздың бағасы қымбаттаған жоқ, олар:

1. № 085/086 Нұр-Сұлтан – Сарыағаш бағыты;

2. № 021/022 Қызылорда – Семей бағыты;

3. № 313/314 Атырау – Маңғыстау бағыты;

4. № 339/340 Павлодар – Пресногорьковская бағыты;

5. № 373/374 Алматы – Жезқазған бағыты;

6. № 377/378 Алматы – Маңғыстау бағыты;

7. № 603/604 Нұр-Сұлтан – Арқалық бағыты;

8. № 085/086 Қарағанды – Сарыағаш бағыты;

9. № 021/022 Алматы – Семей бағыты;

10. № 22/6941/6942/21 Алматы – Достық бағыты;

11. № 339-55/56-154 Павлодар – Қызылорда бағыты.

Еске салсақ, биылғы жылдың 28 тамызынан бастап Қазақстанда теміржол билеттерін қайтарған кезде салынып келген айыппұл алынып тасталды.