Ұлттық қауіпсіздік комитеті Нұр-Сұлтанда арнайы операция өткізді
Қысқа сілтеме алу
Қылмыстық топ бизнесмендерді қорқыту арқылы ақша мен мүлік бопсалап келген
НҰР-СҰЛТАН, 12 қыркүйек – Sputnik. Ұлттық қауіпсіздік комитеті арнайы операция өткізіп, рэкетпен айналысқан қылмыстық топтың жолын кесті, деп хабарлайды комитеттің баспасөз қызметі.
Ұлттық қауіпсіздік комитетінің Нұр-Сұлтан қаласы бойынша департаменті арнайы операция кезінде этникалық қылмыстық топтың мүшелерін қолға түсірді. Олар көп уақыттан бері бизнесмендерді қорқытып, ақша мен мүлік бопсалап келген.
Нұр-Сұлтанда рэкетпен айналысқан қылмыстық топтың жолы кесілді
«10 қыркүйекте елордада арнайы операция өткізіліп, қылмыстық топтың жетекшісі мен мүшелері кәсіпкерден ойдан шығарылған қарызын қайтару үшін «Toyota» автокөлігін қорқытып алу кезінде ұсталды», — делінген ресми хабарламада.
Нұр-Сұлтанда рэкетпен айналысқан қылмыстық топтың жолы кесілді
Топ мүшелерін ұстау кезінде 11 оқ-дәрісі бар «Макаров» тапаншасы және 5 оқ-дәрісі бар травматикалық тапанша тәркіленді.
Ұсталғандар Нұр-Сұлтан қалалық полиция департаментінің уақытша ұстау изоляторына қамалды. Қазіргі уақытта сотқа дейінгі тергеу жүргізілуде.
sputniknews.kz
