Республика алаңынан телеарна қызметкерлері эвакуацияланды — Тосын жай
Алматыда Республика алаңынан БАҚ қызметкерлері эвакуацияланды. Бұл мәліметті Tengrinews.kz тілшісіне Алматы Полиция департаментінің баспасөз қызметіндегілер растады.
Сөйтсек, БАҚ редакциясына белгісіз біреулер хабарласып, ғимаратқа жарылғыш зат қойылғанын хабарлаған. Бұл ғимаратта телеарна мен басқа да БАҚ құралдары орналасқан.
«Арнайы шұғыл шаралар аясында ғимаратты тексеру жұмыстары жүріп жатыр. Адамдар эвакуациялану үстінде. Қоңырау шалған адам анықталып жатыр», — деп хабарлады Алматы Полиция департаментінің ресми өкілі Салтанат Әзірбек.
