ҰҚК Алматы мен Шымкентте арнайы операция өткізді
Қысқа сілтеме алу
Қару-жарақ пен оқ-дәрілерді Қазақстан аумағына әкелу және өткізудің заңсыз ірі арнасының жолы кесілді
НҰР-СҰЛТАН, 25 шілде — Sputnik. Ұлттық қауіпсіздік комитеті Алматы, Шымкент және Қызылорда қалаларында атыс қаруын заңсыз сатумен айналысқан қылмыстық топтарды ұстады, деп хабарлайды комитеттің баспасөз қызметі.
Жасырын тергеу барысында 8 Калашников автоматы және 2 тапаншаны сату фактілері анықталды. Бұл қару заңда белгіленген тәртіппен тәркіленген.
©
Photo : пресс-служба КНБ Казахстана
Ұлттық қауіпсіздік комитеті атыс қаруын заңсыз сатумен айналысқан қылмыстық топтарды ұстады
«2019 жылдың 18 және 19 шілдеcінде Алматы және Шымкент қалаларында топ мүшелерін ұстау бойынша арнайы операция өткізілді. Олардың кейбірі деструктивті діни ағымдарды ұстанушы және «ұрылар қауымдастығы» өкілдерімен тұрақты байланысы бар адамдар», — деп хабарлады ҰҚК.
©
Photo : пресс-служба КНБ Казахстана
Ұлттық қауіпсіздік комитеті атыс қаруын заңсыз сатумен айналысқан қылмыстық топтарды ұстады
Күдіктілердің бірінің тұрғылықты жерін тінту барысында қаруды құрастыруға және қайта жасауға арналған станок пен құрал-саймандар табылған.
©
Photo : пресс-служба КНБ Казахстана
Ұлттық қауіпсіздік комитеті атыс қаруын заңсыз сатумен айналысқан қылмыстық топтарды ұстады
«Қабылданған шаралардың нәтижесінде Қазақстан аумағына қару әкелетін кезекті ірі арна жойылды. Ұсталған адамдар бұрын сатқан криминалдық қаруды заңсыз айналымнан алу бойынша іс-шаралар жүргізілуде», — деді комитеттегілер.
sputniknews.kz
