Жамбыл облысында полицейді өлтіріп, өртеп жіберді
Қысқа сілтеме алу
Қазіргі уақытта полиция қылмыскерді іздеп жатыр. Бұл іс ІІМ ерекше бақылауына алынды
НҰР-СҰЛТАН, 11 шілде — Sputnik. Жамбыл облысында полицейдің денесі табылды. Бұл ақпаратты өңірдегі полиция департаментінің баспасөз қызметі растады.
5 шілде күні Шу ауданында ер адамның күйген денесі табылды.
«Қаза тапқан адамның аты-жөні анықталды. Ол полиция қызметкері», — деп хабарлады полиция департаментіндегілер.
Ол 2019 жылдың 16 мамырынан бастап денсаулық жағдайына байланысты демалыс алған. Хирургиялық операция жасауы тиіс болатын.
Қылмыстың бетін ашу үшін жедел тергеу тобы құрылды. Оған ішкі істер министрлігі мен облыстық полиция департаментінің тәжірибелі мамандары енген.
Тағы оқыңыз: Видеоны өшірші деп жалынған инспектор жұмыстан қуылды
ҚР қылмыстық кодексінің 99-бабы 1-бөлігі (адам өлтіру) бойынша сотқа дейінгі тергеу жүргізілуде.
Бұл іс ІІМ ерекше бақылауына алынды.
sputniknews.kz
